بحث هذه المدونة الإلكترونية

السبت، 20 مايو 2017

عايز تبهرهم في الـ Interview و تشتغل في وظيفة محترمة و تبني Career ملوش حل؟





منقول
عايز تبهرهم في الـ Interview و تشتغل في وظيفة محترمة و تبني Career ملوش حل؟ بلاش دي .. طب عايز تبدأ البيزنس الخاص بتاعك و تبهر عملاءك؟ اتفضل معانا هنا ..
Personal Branding & Self - Marketing.
🌟🌟🌟🌟🌟🌟🌟🌟🌟🌟🌟🌟🌟🌟
هتلاقي 20 نصيحة و معلومة و طريقة بالمصادر و اللينكات، وهنعمل كذا Exercise مع بعض و احنا بنقرا البوست .. توكلنا علي الله.
1 - كلمة Branding يعني صناعة الBrand، و مفهوم الBranding ده مفهوم تسويقي متخصص شوية، أيوة بالظبط كده، لازم حضرتك تدرس Marketing حتي لو مش مجالك، عشان تعرف تسوق نفسك .. هتسوق نفسك زي ما بتسوق أي منتج عندك، علي خطوتين رئيسيتين:
أولا .. تصنع الBrand ... ثانيا .. تعرف تبيعه.
🚩🚩🚩
2 - هنتكلم الأول باختصار عن الBrand العادي، الBrand مش مقصود بيه مجرد اسم مشهور و لوجو و Slogan (شعار دعائي) .. لأ الBrand هو كمية الأوصاف و المعاني اللي بتيجي في بالك لما أذكر اسم ماركة مشهورة .. علي سبيل المثال، لما بقول: مرسيدس، ايه الأوصاف اللي بتيجي في بالك؟ ( هتقوللي: الأناقة، الثبات، القوة، الراحة، التكنولوجيا العالية، الخدمة الممتازة .. إلخ.) طب هقولك 'فيريرو روشيه' .. هتقوللي ( جودة خامة الشوكلاتة، السكر المظبوط، هشاشة و قرمشة، نكهة ممتازة .. إلخ). يبقي التعريف العملي للBrand : إني أجيبلك اسم ماركة مشهورة، و أقولك: "ها .. إيه اللي جه في بالك دلوقتي عنها؟ " فتبدأ تقوللي الصفات.
🚩🚩🚩
3 - مش شرط الBrand تبقي منتج ملموس (Product)، لأ عادي جدا ممكن خدمة (Service) .. زي مثلا لما تروح فودافون أو أورنج .. صحيح هم بيبيعوا شوية منتجات ملموسة زي الUSB و شوية موبايلات .. بس أصلا الشركة قائمة علي الخدمة (Service)، انك تتصل فتلاقي الخط شغال.
🚩🚩🚩
4 - يللا ناخد Exercise .. زي ما عملنا مع منتج زي مرسيدس و فيريرو روشيه، تعالوا نعمل نفس الكلام مع خدمة غير ملموسة. هقوللك: " أتصالات " .. و قوللي ايه الأوصاف اللي في بالك؟
................................................................
🚩🚩🚩
5 - شفت إزاي اتكلمنا عن الBrand في المنتجات و الخدمات؟ تعالا نطبق ده علي مفهوم الHuman Brand .. و في الحالة دي الBrand هيبقي حضرتك :D . إزاي؟ هبيع نفسي؟ أيوة .. مش هتبيع نفسك زي العبيد، لأ هتعمل Branding لأهم حاجات فيك محتاجها سوق العمل .. إيه هي؟
🚩🚩🚩
6 - هنعمل Exercise تاني .. هات ورقة و قلم .. و ركز معايا.
سوق العمل، محتاج منك حاجتين، اكتب كل واحدة في سطر لوحدها، و سيب تحتها مسافة عشان هتكتب كتير. أكتب في الأولي (KSA) ... بعدين اكتب في التانية (Qualities).
الأولي: KSA (مش السعودية)
 *****************************
زي ما قلنا قبل كدة، هي اختصار ل Knowledge (معرفتك و علمك) .. Skills (مهاراتك) .. Attitude (أسلوبك و طريقتك).
الKnowledge هي المعرفة اللي في دماغك.
الSkills إنك تطبق المعرفة دي بشطارة.
الAttitude طريقتك و انت بتطبقها.
و دلوقتي هنعدي علي ال3 مراحل سوا.
مثال1:
 ------
خد عندك كلمة Walk (معلومة أهي .. خزنها عندك ك Knowledge و انت قاعد في مكانك)
و دلوقتي قوم اتحرك و امشي .. (بقت Skilll لإنك طبقتها)
استني عندك .. انت ماشي إزاي؟؟ ماشي بسرعة كإن وراك معاد؟ ولا ماشي ببطء كإنك مع خطيبتك؟ ولا ماشي مارش كإنك في عرض عسكري؟ ولا بتطوح كإنك سكران؟؟ (أهي طريقتك دي هي الAttitude).
مثال 2:
 -------
رحت السوبرماركت اشتريت اللي انت عايزه. الكاشير اللي قاعد ماسك في إيده كتاب في خدمة العملاء و الSales (معلومة أهي Knowledge في دماغه) ... سألته في شوية تفاصيل و أسعار فجابلك كل التفاصيل و أتم عملية البيع بنجاح (Skill أهي) .. و انت بتديله الفلوس و بتاخد الباقي رزعلك الفكة علي الكاونتر و عينه علي الكمبيوتر و مش باصصلك .. (الAttitude زفت أهو) .. قمت إنت قررت متجيش تاني، و تروح للمحل الآخر، اللي الكاشير فيه بيسلمك الباقي في إيدك، و يبتسملك و يقولك: شرفتني يا فندم و يا ريت نشوف حضرتك تاني قريب. (ال Attitude حلو أهو).
يبقي الAttitudee هو طريقتك في كل حاجة: التفكير، الكلام، التصرف.
طيب .. الSkills كام نوع؟؟ 4 أنواع .. لازم تعتني فيهم كويس و تفضلي تعلي تعلي تعلي فيهم لغاية ما تقفل الأمبير و تبقي رقم 1 فيهم: أولا: ال Language Skills (مهارات اللغة) .. بتتكلم إنجليزي عامل إزاي؟ هل محتاج لغة أخري؟ طب مستواك فيها ايه؟ هتفضل واقف عند Good اللي كاتبهالي في الCV؟ عيب بجد! و أدي يا سيدي و يا ستي بوست مفصل باللينكات عن كيفية اتقان الانجليزي https://goo.gl/qbKE5t
ثانيا .. الSoft Skills .. أو سميها Communication Skills لو تحب .. أو خدها معاك الشغل و سميها Business Skills .. و أنا عامللك بوست هنا عن كيفية تنمية الBusiness Skillshttps://goo.gl/yxFdff
ثالثا .. زي ما قلنا في Soft Skills، في برضه Hard Skills، أو نسميها Technical Skills .. اللي هي مهاراتك التخصصية في مجالك، زي مثلا المحاسبة، الطب، الهندسة، القانون .. إلخ.
رابعا .. الComputer Skills .. و أقلها إنك تتقن تطبيقات الكمبيوتر الأساسية، اللي في الICDL.
فهمنا ال KSA ؟؟
الثانية: الQualities
 *******************
الQualities هي صفاتك. و الصفات نوعين:
الأولي: Appearance
------
هي الAppearancee (المظهر). و دي تفرق في حاجة؟ طبعا! و المظهر مش مقصود بيه الجمال و الوسامة أو الدمامة، المظهر مقصود بيه هدومك، ألوانك، شعرك بما فيه شنبك و دقنك، سنانك، ضوافرك، ريحتك، وزنك.
 باختصار: عشان متقولليش: "هو حد خلق نفسه ؟ "حسن المظهر مقصود بيه الحاجات اللي تقدر تتحكم فيها .. كل الحاجات اللي فاتت دي ممكن تتحكم فيها.. حتي الوزن. ده مش معناه إنك لو زائد الوزن مش هتشتغل، لكن عموما تناسق الجسم و شكلك لما يبقي Healthy بيدي انطباع إنك شخص منضبط و بتعمل الصح. لكن بقي أشقر ولا عينيك خضرا ولا بشرتك سمرا ولا فاتحة كل ده لا قيمة له (أو المفروض بالذات للبنات مايكونش له قيمة عند البهوات أصحاب الشركات، و يتقوا ربنا و مايدوروش علي واحدة موديل تبقي سكرتيرة .. يكفي حسن مظهرها العام و كفاءتها)
الثانية: Personality
-------
اللي هي الشخصية، زي مثلا Polite مهذب، Aggressive عدائي، Impulsive متسرع،  Meticulous دقيق، Opportunistic انتهازي، Empathetic متفهم .. و هكذا.
🚩🚩🚩
7 - تاني، سوق العمل محتاج منك Brand محترمة كإنسان هتستخدمها في تسويق نفسك، أولا
الKSA بتاعتك، ثانيا، الQualities (الصفات) اللي عندك، باختصار كدة .. لما يقولوا: عمرو.. ايه الKSAA و الQualities اللي هتيجي في ذهن الآخرين؟ هي دي الPersonal Brand بتاعتك ... طيب الPersonal Branding بقي .. إنك تنمي كل نقطة في دول، تخلي
الKSA بتاعك في أفضل حالاتها .. و تخلي الQualities بتاعتك كلها أو معظمها إيجابية.
🚩🚩🚩
8 - تعالا بينا نشغل علي الLikability .. اللي هي إمكانية تقبل الآخرين ليك و رغبتهم في التواصل معاك. أنا عارف إنك هتقوللي: مش عايزهم يتقبلوني ولا يحبوني، خليهم ياخدوني لمؤهلاتي .. أنا عارف إن كلامك نظريا سليم إلي حد ما، بس صدقني، صعب أوي حد يوظف حد هو مستسخفه .. مش بس التوظيف، حتي لو انت صاحب فكرة مشروع و بتعرضها علي رجل أعمال يمولهالك، أو انت صاحب بيزنس (محل، عيادة، مكتب محاماة، .. إلخ) صعب لو شخص مش متقبلك إنه يحب يتعامل معاك، سواء يوظفك أو يمولك مشروعك أو يشتري منك. فلازم نشتغل علي حتة الLikability. طب إزاي؟
🚩🚩🚩
9 - هات ورقة و قلم و ركز.. عندنا Exercise.
أنا دلوقتي موظف HR .. و قدامي حضرتك بمهاراتك و خبراتك، و عندي شخص تاني زيك بالظبط نفس المستوي .. يللا .. إكتب/ اكتبي الأسباب اللي تخليني أتقبلك و احب نشتغل سوا في مكان واحد.
..................................................
أنا دلوقتي رجل الأعمال عمرو بك عيد. مديرة مكتبي حددتلك معاد معايا عشان تعرض مشروعك عليا أمولهولك. هتعمل ايه تبهرني بيه و تخليني أتفاءل بالتعامل معاك و أتطمن إنك إنسان ذكي و جاد و لطيف؟ اكتب اللي في بالك.
.................................................
إنت صاحب محل، بتبيع منتج بيبيعه غيرك ناس كتير. و سعرك متقارب مع غيرك. مفيش حاجة باقية غير إني أحب أتعامل معاك. إكتب الأسباب اللي تخليني أجيلك إنت و مش لغيرك.
.................................................
جزء مهم آخر في الLikability هو الDazzling (الإبهار)، إنك تبهرهم في الانترفيو أو في الاجتماع اللي طالب فيه تمويل لمشروعك، أو تبهر عميلك اللي بيشتري منك .. ناخد مثلا الإنترفيو، تبهر الشخص اللي بيسألك بمظهرك، بلباقتك العالية، بمعلوماتك الغزيرة، بتحضيرك الهايل، بالCommunication Skills اللي عندك، بلغتك الراقية، باستعدادك بالمستندات، بالكورسات اللي آخدها و الكتب اللي قاريها، بمعرفتك بتاريخ الشركة و مؤسسيها و إدارتها و منتجاتها و منافسيها.. إلخ.
🚩🚩🚩
10 - طيب، عملنا الخطوة الأولي في تسويق ذاتنا و بنينا Brand محترم .. ندخل علي الركن التاني في الMarketing، إننا نبدأ فعليا ناخد خطوات عشان نبيع الBrand .. بمعني أصح هنبدأ في عملية الSales بمراحلها. الBrand الجميل ده لازم يتوثق، يبقي لازم Résumé محترم (CV يعني) .. و لازم نبعت معاه Cover Letter محترم برضه.
🚩🚩🚩
11 - الRésumé هو الCV .. ماتصدقش اللي يقولك غير كدة، هم هم نفس الشيء في العالم كله، باستثناء كذا دولة من ضمنهم كندا، بيخلوا الRésumé مفصل شوية و مختلف قليلا في تفاصيله عن الCV العادي. المهم .. هتكتب دلوقتي الCV بتاعنا صح.
🚩🚩🚩
12 - آسف، مش هكتبلك الCV ولا تكتبه و تبعتهولي أراجعه. مش هينفع الاستسهال اللي مودينا في داهية ده، نتعب شوية معلش، نعمل Résumé محترم و نفهم بنعمله ليه و كل خطوة باخدها علي أساس ايه. جامعة ماريلاند في الولايات المتحدة مقدمة الكورس ده مجانا في كتابة الResume و الCover Letter.
https://goo.gl/V76phw
🚩🚩🚩
13 - في علم الSales، (اللي هتكلم عنه قريبا بإذن الله) .. في قاعدة اتعلمتها من عملاق الSales براين تريسي بتقول: إن أغلب الSalespeople بيبيعوا منتجهم و خدماتهم بطريقة غير الطريقة اللي بيشتري بيها العميل. يعني انا ببيع بطريقة .. و ده بيشتري بطريقة تانية .. كإني بتكلم إنجليزي و انت بتتكلم روسي .. عمرنا ما هنفهم بعض، و كذلك عمر الSale ما هيتم ولا العميل هيشتري .. لأننا مش قادرين نفهم بعض.
نفس الكلام ينطبق علي Selling Yourself .. لما تحب تبيع مهاراتك و خبراتك و الKSA بتاعتك لشركة مقابل الفلوس (المرتب) .. لو انت بتبيع بغير الطريقة اللي بيشتروا بيها، عمر ال(Sale) ما هيتم .. يعني البيعة هتقف، يعني مش هتاخد الوظيفة. لازم تفهم أصحاب الشركات و المصانع و الأعمال و الHR بيفكروا إزاي و بيسألوا الأسئلة دي ليه.
ده كورس مجاني برضه من جامعة ماريلاند في الولايات المتحدة في كيفية إجتياز و فهم أسئلة الانترفيو بالانجليزي https://goo.gl/g1YeM8
و دي ملف من إعداد العبد لله فيه كل أسئلة الإنترفيو بالانجليزي و اجاباتها
https://goo.gl/rpRkRX
🚩🚩🚩
14 - ال Résumé و الCover Letter ملهومش صيغة أو شكل محدد، لكن ليهم مواصفات و تفاصيل لازم تبقي موجودة و أخطاء و محاذير لازم نتجنبها. هتلاقي هنا نموذج لCV مكتوب جاهز للاستعمال، شيل بيانات الشخص الوهمي اللي فيه و حط بياناتك. https://goo.gl/rpRkRX.
🚩🚩🚩
و رح تلاقي هنا برضه نموذج ل Cover Letter مكتوب و جاهز، حط بياناتك بدل بيانات الأخ إياه.https://goo.gl/rpRkRX.
🚩🚩🚩
15 - بإذن الله هكتب بوست مفصل قريبا عن الCareer عموما، و إزاي نفهم معناه و نعدي من مطباته، و نعمل ال Job Search إزاي و ندور فين، و الNetworking أهميته إيه و نعمله إزاي.
🚩🚩🚩
16 - مصطلح Market Yourself مصطلح محتاج تعديل، طب انت هاتماركت نفسك إزاي لو انت الBrand بتاعك ضعيف؟ و التعديل عليه دلوقتي بقي: Market Your Skilled Self. بالظبط زي الفرق بين واحد بيبيع عربية متوسخة طين و عاملة حوادث و البارومة واكلاها و مستغرب إزاي مابتتباعش أو بيعرضوا عليه فيها ملاليم .. و واحد تاني معاه عربية نفس الماركة و نفس موديل نفس السنة، بس غاسلها و ملمعها و داهنها كويس و مجددها تماما .. من الآخر كدة الPersonal Branding و الSelf-Marketing مش بيخلق منك إنسان تاني، لأ هو بيديلك وش نضافة :D أو بيعمللك عمرة.
🚩🚩🚩
17 - الPersonal Branding & Self-Marketing مش بيضمنلك بس تشتغل في وظيفة، لأ ده - بإذن الله - بيضمنلك Career بحاله، بيضمنلك Life كاملة,
🚩🚩🚩
18 - أجمل ما في الPersonal Branding و الSelf-Marketing مش المحصلة النهائية بس لما تبقي انت شاطر و تحصل علي وظيفة و تنجح، لأ خالص. اجمل مافيه مش النهاية، مش الProduct، لأ ده أجمل ما فيه الProcess، الخطوات، العملية نفسها، عملية إعادة ترتيب و تنظيم نفسك و تطوير قدراتك. زي ما براين تريسي بيقول:
Success is NOT a goal, it's a journey. (النجاح مش هدف بتوصله، النجاح رحلة كاملة).
🚩🚩🚩
19 - الكلام ده ملوش أي قيمة نهائيا بتاتا لو قريته و عجبك و شير و بس.
🚩🚩🚩
20 - الكلام ده - بإذن الله - يقينا - هيخليك إنسان تاني لما تبدأ تنفذه، بس تبدأ دلوقتي.
🌟🌟🌟🌟
إرسال تعليق