بحث هذه المدونة الإلكترونية

السبت، 18 مارس، 2017

مواصفات المشروع الناجح

المشروع الناجح 
~~~~~~~~~~~~~





علشان يكون المشروع ناجح ويكبر ويكسب لاذم يكون مناسب
 بمعنى ان لكل واحد ظروف خاصه به هي اللي بتحدد ايه المشروع اللي ينفع معه وينجح ويتحول لشركه بعد كدا
اهم الظروف دي
1- الموقع
 يعنى اللي ساكن ف مناطق زراعيه او قريبه منها افضل مشاريع تنفع معه هي الانتاج الغذائي (( تربيه حيوانات او الصناعات اللي بتعتمد عليها زي معامل الاجبان او مجازر الدواجن او مصنع للصلصه ...... الخ )) لانه ف الحاله دي هيكون عنده التكلفه اقل من غيره وده هيدي له ميزه تنافسيه
2- السن
 بمعنى انه كل مرحله ف العمر بيكون الانسان عنده امكانيه للمخاطره او الجهد او حتى مستوى التركيز وده كله هياثر على نجاح المشروع (( مينفعش مثلا واحد عنده 50 سنه ويروح يختار مشروع قائم على التوزيع ))!!!
3- استغلال المتاح
يعنى واحد عنده مخزن او قطعه ارض جاهزه اكيد هتختلف ظروفه عن واحد عايش مع اهله في شقه ايجار
 ونفس المثال اذا عنده عربيه نقل او ورشه كانت شغاله او محل في مكان مميز
4- السيوله الماديه
ودي نقطه اعتقد انها مش محتاجه توضيح (( كل واحد اكيد لاذم يختار مشروع يتناسب ومقدرته الماديه ))
واهم شيء
ممنوع الاقتراض
ممنوع الاقتراض
ممنوع الاقتراض
اي مشروع يبدء ب اقراض بيكون محكوم عليه ب الفشل لان
 اي عائد من اي مشروع مش هيكفي لسداد دين القرض والتوسع والصرف على القائم ب المشروع ومجابه الاخطار المحتمله وسداد الالتذامات
5- الخبره
بمعنى ان انجح المشاريع هي اللي بيكون عند صاحبها خبره سابقه بها
وفي اكتر من طريق لاكتساب الخبره دي
ممكن عند طريق التعليم (( خريجي الزراعه او التجاره او الفنون التطبيقيه  او غيرهم )) اكيد بيكون عنده اساس ممكن يبنى عليه مشروعه (( استصلاح ارض او مكتب ديكور او محل جمله ...الخ ))
 وممكن تكتسب الخبره دي عن طريق انك تشتغل في نفس المجال عند حد (( ولو ببلاش من غير ما تاخد منه فلوس ))
وده هخلي عندك درايه بكل تفاصيل المشروع وكمان صاحب المشروع هيستفيد انه عنده واحد شغال ببلاش
 وممكن تكتسبها عن طريق الانترنت (( جوجل ويوتيوب والفيس وغيرها ))
6- الفرق في العرض
 وده معناه انك ممكن تعمل منتج وتبيعه اغلى من المنتجات المشابه له واقدم منه في السوق كمان اذا عرفت تعرض منتجك بطريقه مختلفه
مثال
اذا كنت عامل منحل عسل
ف افضل طريقه انك تبيعه اقراص (( زي ما هو في البراويز بشمعه )) بدون اي تصفيه او شيء
ده هيدي منتجك الثقه اللي معظم المنتجات المشابه مفتقداها
 وتقدر تبيعه ب اضعاف سعر المنتج المماثل له (( وان شاء الله هتكلم عن مشروع منحل العسل ب التفصيل ف بوست اخر ))
7 - اخر واهم نقطه ممنوع المشاركه
 محدش يشارك حد في مشروع المركب اللي فيها ريسين بتغرق ومفيش حاجه اسمها واحد ب الخبره والتاني ب الفلوس لانه هتنتهي ب ان واحد فيهم هياكل الاخر او هيعتمد على الاخر مفيش مشروع شرك بينفع (( وحتى اذا نفع بتكون مشاكله اكبر من نفعه )) ومفيش حاجه اسمها ناس تتجمع وتعمل مشروع (( الكلام ده اسمه نصب او ف افضل الاحوال هبل )) لانه مثلا لو في الف واحد دخلو مشروع كل واحد ب الف جنيه براس مال مليون جنيه
وكسب 10 % اللي هم مائه الف جنيه
 اخصم منهم تاجير مكان العمل واجور الموظفين والاداره اللي قامت علشان تدير المشروع من محاسبين وادارين وضرائب وخلافه (( علشان كل شيء يكون تحت المراقبه لحفظ الحقوق ))
 وهنقول ان كل ما سبق كلف ستون الف جنيه فقط (( بواقع خمسه الاف شهريا )) هيكون الباقي اربعون الف لما تقسمهم على المساهمين هيكون نصيب كل واحد اربعون جنيه سنويا (( وده مع افتراض حسن النيه وان المشروع مشي عااال وكسب تمااااااام ))
إرسال تعليق