بحث هذه المدونة الإلكترونية

الاثنين، 20 فبراير، 2017

كيف تكون محاسب قوي يعلم متطلبات السوق

;كيف تخطط لتكون محاسب قوي

معظمنا فمصر خبرة سنتين وتلاته وممكن أكثر ودخلهم من 2500 ل 3000 جنيه
وده حال السوق هقولك ازاي تاخد المرتب اللي انت عاوزه وف أقل من 3 شهور
بس من فضلك عشان خاطري متزهقش
مشكلتنا إننا وقفنا عند نقطة واحدة ومش بنتحرك منها خالص مش بنتطور يعني
#تعالى نشوف نعمل ايه ونعمله ازاي وبشوية مجهود بساط
و#خلي مبدأك انك تتعلم مؤقتا اللي محتاجه السوق
ايه #المهارات اللي انت محتاجها و أسهل طريقة لإكتسابها ؟
أ‌- #الحاجة_الأولى هنراجع مبادي المحاسبة الإساسية عشان متقابلناش مشاكل في اللي جاي ويبقى كل حاجة علي أساس  مظبوط وقوي وهتساعدك مجموعة من الفيديوهات وكتب في مبادي وأصول المحاسبة ودي خطوه ضروريه وتراجع من مصدر واحد ومتشتتش نفسك ( اللنكات 1و2و3و4)
ب – #الحاجة_التانية والمهمه هي بعض معايير المحاسبة شائعة الإستخدام خد بالك أوي هنا وانت بتبحث في الموضوع ده  هيقولولك المعايير اتغيرت وعشان ماتتوهش لأن لسه مفيش ماتيريال شرح كتير للمعايير الجديدة متاحه علي النت تقدر تستخدم الماتيريال القديم مع مراعاة التعديلات تعالي نشوف التغييرات كانت في ايه بين القديم والجديد #اوعي_اللي_جاي_يخليك_تزهق
معايير المحاسبة المصرية المعدلة 2015 الجديدة عملت ايه ؟
• اسبتعدت أو استبدلت 3معايير ( حاجات متخصصه جدا ومش موضوعنا )
- الافصاح بالقوائم المالية للبنوك والمؤسسات المالية (رقم 19)
- حصص الملكية فى المشروعات المشتركة (استبدال) (رقم27)
- التقارير القطاعية (استبدال)( رقم 33)
وايه تاني؟
• اضافت واستبدلت 6معايير: ( وبرضه حاجات متخصصه جدا ومش موضوعنا )
- الادوات المالية / افصاح (رقم 40 )
- القطاعات التشغيلية (رقم 41)
- القوائم المالية المجمعه (رقم 42 )
- الترتيبات المشتركة (رقم 43)
- الافصاح عن الحصص فى المنشأت الاخرى (رقم 44 )
- قياس القيمة العادلة . (رقم 455 ) ( ده اللي مهم مهم ومعانا )
طيب ايه الخلافات أو الإستبعادات اللي في 2015 عن اللي قبلها ؟ هام أوي
كان فيه شوية اختيارات في القديمة وتم استبعادها
• معيار (1) استبعاد اعداد قائمة الدخل الشامل لقائمة واحده واعداد قائمة دخل منفصلة وقائمة دخل شامل
• معيار رقم 10 الاصول الثابتة : الغاء الفقرات الخاصة بنموذج اعاده التقييم الفقرات من 31/ 422 بحيث لايتم استخدام هذا النموذج واستخدام التكلفة
• معيار 17 القوائم المالية المستقلة : الغاء الفقرات الخاصة ببديل استخدام طريقة حقوق الملكية
• معيار 23 الاصول غير الملموسة : الغاء نموذج اعاده التقييم ويستخدم فقط نموذج التكلفة
• معيار 34 الاستثمار العقارى : الغاء الفقرات الخاصة بنموذج القيمة العادلة ويتم استخدام نموذج التكلفة
• معيار 42 القوائم المالية المجمعة : الغاء الفقرات الخاصة باستثناء المنشأت الاستثمارية من التجميع
 يعني كده مش كل المعايير حصلها تعديل اتفقنا ؟
بس نصيحه قبل ماتبدأ في المعايير شوف الفيديو ده ( لنك5 ) هيساعدك تفهم المستجدات علي الساحه الفيديو ده للمحاضر المحترم أحمد عوض بيتكلم في ندوة ليه في الجهاز المركزي للمحاسبات ولو انت كان عندك اي فكرة قبل كده عن المعايير فيه مجموعات فيديوهات في لنك (رقم6) دي عن التغيرات اللي طرأت علي المعايير
لازم علي الأقل تكون عارف معايير المحاسبة دي اللي هيا اساسية في أماكن كتير اوي وعارفها يعني مطبق عليها وتذاكر معايير يعني تعمل 5 حاجات
• يكون معاك نص المعيار ( لنك 7 ) واوعى تحاول تحفظ المعيار عشان كل الجهابذة اللي نعرفهم مش حافظين المعايير
• الشطارة أنك تلخص المعيار في 3 الي 5ورقات في شكل كبسوله فيها أهم النقاط والمعالجة
• دور علي شرح للمعايير تسهل عليك نص المعيار
• تحمل فيديوهات للمعيار ان وجدت وتحتفظ بيه ( لنك 8)
• تدور علي تطبيقات عملية علي كل معيار وحالات خاصه بيه ده اهم حاجه ( هنرفعها في تحديث علي البوست)
دي المعايير اللي انت محتاجها بشكل أساسي وده مش كتير علي فكرة دول 18 من 455 معيار عاوزين همه بس عشان متتصدمش المعيار مش بيتفهم من اول ولاتاني مره وكل مره هتقرى هتفهم اكتر
1- اطار الإعداد + عرض القوائم المالية (معيار رقم1 )
2- المخزون (معيار رقم2 )
3- قائمة التدفقات النقدية (معيار رقم4 )
4- السياسات المحاسبية والتغييرات في التقديرات المحاسبية والأخطاء(معياررقم 5)
5- الإحداث التالية لتاريخ الميزانية (معيار رقم7 )
6- عقود الإنشاء (معيار رقم8 )
7- الإصول الثابتة وإهلاكاتها (معيار رقم10 )
8- الإيراد (معيار رقم11)
9- إثار التغيرات في أسعار صرف العملات الأجنبية (معيار رقم13 )
10- تكلفة الإقتراض (معيار رقم 14)
11- التأجير التمويلي (معيار رقم 20)
12- نصيب السهم ( معيار رقم 22)
13- الأصول غير الملموسة (معيار رقم23 )
14- ضرائب الدخل (معيار رقم24 )
15- المخصصات والأصول والإلتزامات المحتملة (معيار رقم28 )
16- إضمحلال الأصول ( معيار رقم 31)
17- الإستثمار العقاري ( معيار رقم 34)
18- قياس القيمة العادلة ( معيار رقم 45)
 (فيه لنك في أخر البوست فيه ملف تحمل منه المعايير دي)
انت كده والله قطعت 60 % من الطريق وهانت بجد ناقصك حاجتين ياصديقي
جـ ـ #الحاجة_التالته التحليل المالي ( علم ماوراء الأرقام ) هااااااااام اوي
ومتتخضش مش محتاج تروح البورصه ولاحاجه
 كل صاحب بزنس في الدنيا بيبقى حابب يشوف مؤشرات شغله ماشية ازاي وللأسف محدش بيهتم مننا أنه يقدم التقارير دي وكلنا بنكون محاسبين مابعد الحدث اوعي تفتكر انك هتكون محاسب شاطر لما تعرف تعمل قيد او تطلع ميزانية وقائمة دخل
 الأونرز مش عاوزين اللي يقولهم احنا كسبنا كام دايما عاوزين اللي يقدر يقيم الأوضاع الحالية للشركة ويقيس مدي قدرتها علي الاستمرار ويقدر يقرا المستقبل ويقولهم علي المسار اللي هيكونو فيه في المستقبل ويقولهم نقاط الضعف فين ويكون عنده القدرة انه يقدر يحدد المشاكل المالية وطرق حلها ومفيش صاحب بزنس بشكل اساسي مش بيحتاج واحدة من التلاته دول
* مدى قدرة شركته علي تحقيق ارباح في المستقبل
*درجة سيولته ومااذا كان هيكون فيه ازمات من عدمه في المستقبل
*مدى وجود فرص استثمار مناسبة
 حضرتك محتاج تكتسب المهارة دي وتتعلم العلم ده ازاي تكون فنان في قراءة الأرقام وتحليل البيانات وعمل المقارنات وفهم العلاقة بين البيانات والأسباب اللي وصلتنا ليها
ساعتها نقدر نقول عليك المحاسب الجراح
 (فيه لنك لدورة مهمه جدا في التحليل المالي أخر البوست وكتاب ميقلش عنها اهميه)
ب‌- اخر حاجة مهمه لازم تتعلمها إحتراف الإكسل
البرامج الجاهزة مش بتلبي كل احتياجات المستخدمين ده بالإضافة لتكلفتها العالية
 الإكسل هو اداتك المهمه والمجانية اللي هتقدر من خلالها تلبي كل احتياجاتك واحتياجات شركتك المالية وببلاش بالإكسل هتطلع تقاريرك وتنفذ شغلك وتقدر تصمم عليه الشيتات اللي تسهل عليك مهمتك وفي اقل وقت توصل لنتائج سريعه ومعروضة بشكل جيد
طيب ايه هيا الخطوات لاحتراف الإكسل
 في الأول هنتعلم فنيات التعامل من طباعة التقارير والتعامل مع أنواع الخلايا وتنسيق الجداول وكتابة المعادلات الأساسية
بعدين نتعلم البرنامج بتوسع وتبقى #مهاري_اكسل وده من خلال
1- استخدام التصفية لتحليل البيانات
2- استخدام المجاميع الفرعية لتحليل البيانات
3- استخدام الجداول المحورية لتحليل البيانات
4- استخدام الدوال المالية المختلفة
55- استخدام وكتابة المعادلات المعقدة
وأخر حاجة هتتحول ل #محترف_اكسل
تستخدم برنامج اكسل عشان تعمل تطبيقات تجارية ومحاسبية مختلفة زي :
1- فواتير الكترونية
2- برنامج إدارة مخازن
3- برنامج إدارة الموردين.
4- برنامج إدارة العملاء.
5- برنامج إدارة استلام وصرف النقدية.
6- برنامج إدارة المرتبات والأجور.
7- عمل برنامج يومية الكتروني للحصول على القوائم الختامي
8- عمل برنامج لتحليل المصروفات.
9- برنامج للتحليل المالي واستخراج المؤشرات
ارجع للنكات 11و12و133 هتلاقي حاجات تساعدك وقوية
شوية همه والباقي خير
دلوقتي أقدر أقولك انت بقيت محاسب بدرجة دكتور جراح
وان دي بداية الإنطلاقة الحقيقية ليك
اعمل اللي عليك وخليك واثق ان ربنا مبيضيعش أجر حد
#كلام_حسابات
لينا عندك 3 طلبات
متنساش اللنكات أخر البوست
ادعيلنا دعوه بظهر الغيب
لوحسيت بفايدة انقل الكلام لغيرك يستفيد #share
محاسب قانوني احمد عبدالتواب Ahmed Abdeltawab
1- لنك كورس في اساسيات المحاسبة المجاني علي منصةايدومي
2- مجموعة فيديوهات للأستاذ محمد رواش
3- لنك تحميل الكتاب : أصول المحاسبة المالية دكتور وليد ناجي
4- لنك تحميل كتاب المحاسبة المتوسطه لكيسو مترجم ( من جزئين)

5- لنك فيديو المحاضر أحمد عوض :
6- لنك فيديو لشرح التغيرات اللي حصلت في المعايير المعدلة ( بص علي يمينك)
https://www.youtube.com/watch…
7- لنك تحميل نص معايير المحاسبة المصرية المعدلة
https://drive.google.com/…/fo…/0B-nLHPRNcNFhM3pjQ28xVTZ5bVU…
8- مجموعة شروحات لجانب من المعايير فيديو
https://www.youtube.com/watch…
9- لنك تحميل دورة التحليل المالي
https://drive.google.com/open…
10- لنك تحميل كتاب المحاسبة الإدارية ترجمة دكتور احمد حامد
https://drive.google.com/open…
11- صفحة خبير اكسل :
https://www.facebook.com/xlxpert
12- لنك كورس اكسل 2010 مستويات 3 من موقع FREE LEARN110
http://www.freelearn110.com/baseArtecles/excel2010.html
13- قناة اكسل فن علي يوتيوب
https://www.youtube.com/user/ExcelIsFun
منقول عن 

إرسال تعليق