بحث هذه المدونة الإلكترونية

الأحد، 19 فبراير 2017

بعض المعلومات الهامه قبل التحدث عن زياده راتبك

بعض المعلومات الهامه قبل التحدث عن زياده راتبك :


11- ثمن نفسك فى سوق العمل واعرف قيمتك بره كام دلوقتى وده قد يختلف من مكان الى مكان ولكن فى متوسط ممكن يزيد او يقل بنسب طبقا لحاجات كتير اهمها حجم الشركه ومهاراتك وعلمك بالوظيفه .
22- الراتب مش فلوس بس الراتب اجمالى مايحصل عليه الموظف من مزايا ماديه وعينيه من الشركه فاذا كانت الفلوس قليله ومش هيدفعوا اكتر من كده تفاوض معهم على مزايا اخرى زى يوم اجازه اضافى - زياده التامين الصحى او الاجتماعى او خلافه من المزايا .
33- الراحه النفسيه وبيئه العمل مهمه جدا وتفرق شوف مكانك لو انت مرتاح نفسيا وببتعلم ومديرك شخصيه متزنه ومحترمه ده له ثمن وقيمه.
44- لو قيمتك فى السوق اكبر من عملك الحالى انت فى موقف تفاوض قوى تقدر تتطالب بزياده اكبر او مزايا افضل واذا لم يكن هناك اجابه تقدر تشوف وظيفه افضل.
55- لو قيمتك فى السوق اقل من عملك يبقى تسكت وتحاول انك تعلى من مهاراتك عشان مايترميش عليك بعد كده .
66- لو تساوى السوق والعمل حاول تستقر فى عملك واشتغل بمبدا اللى تعرفه احسن من اللى متعرفوش خاصه ان المزايا متساويه وفى الظروف الاقتصاديه للدوله برغم اختلافى مع المبدأ لانك اللى متعرفوش حكمت عليه ان هيبقى اسوء من اللى تعرفه برغم انك لسه معرفتوش ؟؟؟؟؟ لكن على اى حال حاول تطور من نفسك عشان تنقل على افضل .
77- الطلب فى مهنتنا اقل من العرض وده بيضع علينا تحدى كبير وضغط من الشركات ومديرى الموارد البشريه حاول تركز على ميزتك على معلوماتك وخبرتك للوظيفه حاول تظهرانك اكتر واحد مميز للوظيفه ديه عشان ماتتحطش فى سله واحده مع الباقى ويتقالك المحاسبين اكتر من الهم على القلب.
8 - مهم جدا جدا جدا
 بلاش العشم بزياده فى المستقبل للشركه بتاعتك يعنى بلاش تسمع وتقتنع كلام انه بكره الشركه هتكبر - هيا بس لو حققت ارباح هنزود المرتبات اكتر - كفايه انا احنا بنقبضك فى ميعادك .
الكلام ده للاستهلاك فقط واعرف ان بعده هيدوس عليك فى الحاضر وهو باع
 ليك المستقبل - حضرتك ليك قيمه وثمن خده دلوقتى متشتريش سمك فى ميه لا انت عارف هيبقى امتى ولا هيبقى فين ولا بكام .
- لا الشركه لما هتكسب وتحقق ارباح هتديك اكتر من ثمنك ولا حد هيحسب فرق السنين اللى فاتت .
 لكن امتى اشترى الكلام ده لما يكون الفرق قريب وتكون انت مرتاح وبتتعلم فى الحاله ديه اقولك انتظر لم يحن وقت الرحيل بعد.
99 - لازم تعرف امتى تاخذ قرار الرحيل فى الوقت المناسب ليك وللمكان. ( مفيش تعليم جديد - فى فرص افضل بكتير جدا - عدم الارتياح النفسى - المسافه بعيده - مستقبل الشركه ومدى تطورها )
100- اخيرا وانت بتدور على شغل جديد بلاش تقع فى اخطاء امبارح بقى خلاص ماانت فهمت .
إرسال تعليق