الاثنين، 26 ديسمبر، 2016

ببساطة الفرق بين الخصم النقدي والكمية والتجاري

تقسيم الخصومات إلى :
• الخصم النقدى : هو الخصم اللى بينزل فى الفاتورة .
مثال : فاتوره بـ 1500 جنيه وبها خصم نقدى 100 جنيه على الفاتورة يبقى الصافى 1400 جنيه .
 الصافى ده هو اللى بيتعمل بيه القيد . يعنى لايسجل فى الدفاتر .
• خصم الكمية : الخصم ده بيكون غالباً فى تجار الجملة وبيكون على طريقة الشرائح .
بمعنى لو انت اشتريت 100 قطعة بيكون سعر القطعه 5 جنيه – ولو اشتريت مثلاً 5000 قطعة بيكون السعر 4.5 جنيه – ولو اشتريت حتى 1000 قطعة بيكون السعر 4 جنيه وهكذا .
يعنى خصم على الكمية .. كلما اشتريت اكتر يكون الخصم أكتر .
 بيتسجل بالصافى ولا ينزل فى الدفاتر . بينزل فى القيد بصافى القيمة بعد الخصم .
• الخصم التجارى : الخصم ده بقى حاجة مختلفة وعاوزة تركيز لانك بتنزل القيمة قبل الخصم ولو حصلت على الخصم بعد العملية بتنزل الخصم سواء فى البيع او الشراء . وبيكون مرتبط ب فترة - يعنى تقدر تقول عليه خصم تعجيل الدفع - بمعنى انك هتشترى مثلاً بـ 1000 جنيه هتسجل العملية فى القيد بنفس المبلغ .
- لو سددت خلال اسبوع هتاخد خصم 5 % من القيمة مثلاً .
- يعنى لو سددت هتعمل قيد بالخصم ده ولا تنقص فى القيد الأول .
 - هنقول تانى : أنا بسجل فى الخطوة الأولى باجمالى الفاتورة قبل الخصم لان الأسبوع لسه مش عدى .. ولو دفعت خلال الأسبوع هأخد خصم 50 ج وادفع 950 ج - ولو سددت بعد الأسبوع هسدد الأف كلها ومش هأخد الخصم .
إرسال تعليق