بحث هذه المدونة الإلكترونية

الأحد، 2 أكتوبر، 2016

نظرة عامة عن الاستثمارات المالية



*********نظرة عامة عن الاستثمارات المالية **********
يوجد 3 انواع للاستثمارات

1- استثمارات فى اوراق مالية
وهذا النوع من الاستثمارات يتم شرائه ولاتتجاوز الملكية 20$ من اسهم الشركة المستثمر فيها . ..................
يعنى الاستثمار بنسبة من (صفر الى اقل من 20% )
ودى لها 3 انواع
1- للمضاربة 2- متاحة للبيع 3- محتفظ بها لآجلها

======================================

2- استثمارات فى شركات شقيقة
وهذا النوع من الاستثمار بيكون ليا بها ذو نفوذ وبتكون من 20 الى 50%

===============================
3- استثمارات فى شركات تابعة ودى استثمارى بها بيكون من 51% الى 100%
وبيكون هناك سيطرة وبيتم عمل قوائم مجمعة وفكرةالقوائم المجمعة بتعتبر الشركات التابغعة والقابضة كيان واحدلذا لا تعترف بالعمليات الداخلية بينهم طالما لم تتم البيع لطرف خارجى فمثلا شركة أ مخزونا 120 الف وهى مسيطره على سركة ب ومخزونها 80 الف المفروض مخزونهم مجمع 200الف ولكن لو باعت الشركة القابضة بضاعة ب 60 الف ج للشركة التابعة وكانت تكلفتها 50 الف بالتالى القابضة لديها ربح 10000 ولكن لن يتم الاعتراف به الا اذا باعت الشركةالتابعة تلك البضاعة لطرف خارجى ولو باعت شوية بيتم الاعتراف بمقدارها وليكن الشركة التابعة باعت 50% من البضاعة
يبقى ما يعترف به 10000*50%=5000 وكذلك ما يستبعد 5000 المتمم
لذا المخزون الواجب اظهاره بالقوائم المجمعة200الف +80 الف -(10000*50%)=195000

القوائم المجمعة لما بتشترى بتسجل بالقيمة السوقية وممكن تظهر معك شهرةمحل

تظهر عند اندماج الاعمال وهى اننا بنقارن المبلغ المدفوع ( المقابل المادي Consideration) في مقابل صافى الاصول القابلةللتحديد ( بالقيمة العادلة) لقياسالشهرة مع اخذ فى الاعتبار حصة الاقلية
لو مثلا المقابل المدفوع 200 مليون وصافى القيمة الدفترية 100 مليون وصافى الاصول القابلة للتحديد ( بالقيمة االعادلة) 150 مليون مع افتراض مفيش حقوق اقلية
- الربح :الفرق بين صافى القيمة الدفترية وصافى الاصول بالقيمة السوقية يا أما ربح يا اما خسارة وهنا ربح 50 مليون
- الشهرة أو ربح التفاوض :الفرق بين المقابل المدفوع وصافى الاصول بالقيمة السوقية
- لو المدفوع اكتر من قيمة الاصول فى السوق : يكون هناك شهرة موجبه و تثبت كشهرة محل كما في المثال أصول طويلة الأجل (200 – 150) = 50 مليون شهرة محل:
- لو فرضنا المقابل المدفوع 120 وصافى الاصول 150 ده يعتبر ربح التفاوض: فى جميع الاحوال صا في الأصول ستثبت بالقيمة السوقية و أنت دفعت أقل يبقى الفرق ربح تفاوض على الشراء.
- القيود فى حالة الشهرة الموجبة من ح الاصول 150 من ح الشهرة 50 الى ح النقدية 200
- القيود فى حالة الربح التفاوضى :من ح الاصول 150 الى ح النقدية 120 الى ح الربح (بيروح قائمة الدخل ) 30

موضوعها كبير لذا سنكتفى بذلك فى هذاالنوع من الاستثمارات لحين عمل منشورات فيه

============================
شرح السابق الاستثمارات المالية

1- استثمارات فى اوراق مالية

بتكون انك تملك فى اسهم وسندات من صفر الى اقل من 20% وهى:

أ -للمضاربة بتشتريها وتبيعها فى الاجل القصير وتحقق ربح او خسارة زى البضاعة كده من ذلك وتثبت الورقة بالقيمة السوقية واخر العام بتعمل لها تقييم مثلا اشتريت اسهم ب 100 الف واخر العام وجدت الاسهم فى السوق تساوى 120 الف فيه 20الف ربح وتعترف بها فى قائمة الدخل

والقيد من ح الاستثمارات فى ا.م
الى ح النقدية

ولو قيمت وطلع ربح
من ح الاستثمارات أ.م
الى ح الربح وده بيروح قائمة الدخل
===============================

ب- متاحة للبيع وهى يعنى مش محتاج فلوسها فى الاجل القصير بانتظر لحين تحقق ربح وابيع ولو شتريتها مثلا ب 100 الف واخر العام وجدت قيمتها فى السوق 120 الف ال 20 الف دى بتروح حقوق الملكية عناصر الدخل الشامل الاخرى لانها لم يتم البيع فعلى (تذبذب فى الارباح لا يتم الاعتراف به فى قائمة الدخل الا اذا تم البيع فعليا)

والقيد من ح الاستثمارات فى ا.م
الى ح النقدية
ولو قيمت وطلع ربح
من ح الاستثمارات أ.م
الى ح ارباح غير متحققة من الزيادة فى القيمة السوقية
وبتروح عناصر الدخل الشامل الاخرى حقوق ملكية لحين ان يتم البيع الفعلى
============================

ج - محتفظ بها لاجلها ودى ان مالكها لديه الرغبة والقدرة على الاحتفاظ لأجلها ودى بتكون فى السندات فقط وبيستفيد من الفوائد وبتستستحدم ويتستخدم طريقة التكلفةالمستهلكة فى التسجيل مثلا اشتريت ورقة مالية سند قيمته الاسمية 100 الف وتم اصدارها 95الف فيه خصم اصدار 5000 دى بيتم استهلاكها على عمر الورقة وتصدر سواء خصم او علاوة ويتم استهلاكها ولا تؤخذ القيمة السوقية فى الاعتبار يعنى اول ما اشتريها باسجلها بقيمتها السوقية ولو ان هناك اختلاف بين السعر المعلن وسعر السوق يكون هناك خصم او علاوة ويتم استهلاكها على عمر الورقة وما ليش علاقة بالتذبذب فى اسعار الورقة سنويا والمعيار الدولية بتعطى خيار ان ممكن استخدم القيمة السوقية فى التسجيل بدل التكلفةالمستهلكة زى الانواع الاخرى

توضيح التكلفة المستهلكة بص يعم الحج الاول لو سعر الفائدة المعلن على صك السند = سعر الفائدة فى السوق للمماثلين فى الخطر تصدر الورقة المالية بدون خصم وبدون علاوة -ولو سعر الفائدة المعلن اكبر من سعر الفائدة فى السوق تصدر بعلاوة ولو سعر الفائدة المعلن اقل من سعر الفائدة فى السوق تصدر بخصم والعلاوة او الخصم تستهلك

ازاى مثلا اشتريت سندات قيمتها 10000 والفائدة المعلنه 12% ولمدة 5 سنوات والسعر فى السوق 10%

تمهيد للحل :

بص كده الفوائد سنويا =10000*12%=1200 ولاحظ هنا سعر الفائدة المعلن اكبر من سعر الفائدة فى السوق اذن حيكون هناك علاوة اصدار ، بعد كده بتروح لجداول القيمة الحالية ولو معندكش جداول حوضحها بمعادلة
اولا نجيب القيمة الحالية لمبلغ واحد اللى هو اصل المبلغ بنروح للجدول عند 5سنوات و10% وليكن طلع ,6209
وبنروح لجدول الدفعات لاكثر من مبلغ عند 5سنوات و10% وليكن طلع 3,7907
نجيب القيمة الحالية للقيمة الاسمية = 10000*,6209=6209
ونجيب القيمة الحالية للفوائد = 1200*3,7907= 4548
نجمعهم مع بعض = 6209+4548 تقريبا =10758

حاول وانت بجيب معامل القيمة الحالية تسجله على اخر رقم حتى تطلع الارقام مظبوطة

كده العلاوة مقدارها 758

ودى هى اللى بتستهلك ازاى بقى

بتعمل جدول وكم عمود وتبدا

السنة - رصيدالقيمة الحالة- ايراد الفوائد- النقدية -الاستهلاك

السنة بتكتب ترتيب السنوات عندك هنا من 12345 بتكتب رقم كل سنة

رصيد القيمة الحالية فى اول سنة = 10758 اللى جبناه

الايراد = رصيد القيمة الحالية *سعر الفائدة فى السوق 10% واول سنة =19758*10%=1075,8

النقدية اللى هى الفائدة 1200 وهى ثابتة فى كل سنة

الاستهلاك =النقدية - ايراد الفوائد = 1200 -1075.8 =124 فى السنة الاولى

كده 1-------10758----------1075,8---------1200------124

السنة الثانية رصيد القيمة الحالية = 10758- الاستهلاك بتاع السنة الاولى =10758-124=10633

كده 2 ------10633-----1063.3-------1200--------------136.6

وهكذا السنة الثالثة 10633-136.6

الخ

الى ان تجداخر سنة

5-----------10181------1018,1---------1200-------181

وتجدالورقة لحظة سدادها =10000

وان اجمالى الاستهلاك على 5 سنوات = 758 قيمة العلاوة

والقيود عادى من ح الاستثمارات 10758 الى ح النقدية 10758

وكل سنة بتعمل القيد ده من ح النقدية 1200 الى ح ايراد الفوائد 1075وح ح الاستثمارات 124

مع ملاحظة كل سنة كما وضحنا فى الاستهلاك

وتفضل تقل حتى تصل 10000 وعندها نحصل على القيمة = 10000 من ح النقدية الى 10000 ح الاستثمارات
وهكذا الخصم تقبل تحياتى
======================
ولوحتجيب معامل القيمة الحالية يدوى معلومة مفيدة لمن يتعامل بالقيمة الحالية
واعتقد كل المحاسبين سيتعاملوا معها ان لم يكن الان سيتعاملون فيما بعد

لو اردت ان تعرف معامل القيمة الحالية لرقم 1
يعنى مبلغ معين عاوز تخصمه بالقيمة الحالية وليكن معدل الفائدة 10% ولمدة 3 سنوات
المفروض بتروح جدول القيمة الحالية وتحسبها ولو معندكش جدول بتشترى آلة حاسبة مالية وهى قيمتها غالية
لذا ان شاء الله سنوضحها بمعادلة بسيطة

1
__________
(1+الفائدة )^عدد السنوات

=1
___________
(1+10%)^3

=0.751314801

هو ده المعامل وبتضربة فى المبلغ اللى بدك تخصمه

وتشتغل على اى سنة وعلى اى معدل

وليكن 20سنة وفائدة 18%

=1
__________
(1+18%)^20

=0.036505631

كده تمام طب لو عاوز تحسب معامل القيمة الحالية للدفعات

فى اول سنة سيكون المعامل =
1
__________
(1+الفائدة )^عدد السنوات

فى السنة الثانية سيكون المعامل

1
__________
(1+الفائدة )^1 +

1
__________
(1+الفائدة )^2

فى السنة الثالثة
سيكون
1
__________
(1+الفائدة )^1 +

1
__________
(1+الفائدة )^2 +

1
__________
(1+الفائدة )^3

وهكذا

او تختصر الحوار
بأنك تجيب ناتج السنة الاولى وتجمع عليه معادلة السنة الثانية
1
__________
(1+الفائدة )^2

وكذلك فى السنة الثالثة

تجيب ناتج السنة الثانية وتضيف عليه معادلة السنة الثالثة
1
__________
(1+الفائدة )^3

مثال افضل تريد خصم مبلغ لدفعات معين بمعدل فائدة 10% ولمدة 3 سنوات
لو عندك الجدول بتروح لمعامل القيمة الحالية عند 10% ل3 سنوات
مندكش بتعمل المعادلة السابقة

السنة الاولى
1
________ =0.909090909

1.1^1

السنة الثانية
1
_______ + 0.909090909 =1.73553719

1.1^2

السنة الثالثة
1
___________+1.73553719 =2.486851991

1.1^3

اذن المعامل المطلوب هو 10% عند السنة الثالثة 2.486851991

وهكذا

======================================

2- الاستثمارات فى شركات شقيقة
وهى بتكون امتلاك من 20الى 50% من اسهم الشركة وهنا بيكون فى تأثير ذو نفوذ وبنستخدم طريقة الملكية فى التقييم

ونأخذ مثال على السريع اشتريت 30% من اسهم شركة شقيقة وكانت الاستثمارات ب 100 الف الشركة الشقيقة حققت ربح 100 الف
انا كمستثمر ليا ارباح =100الف *30%= 30 الف قررت الشركة الشقيقة دى توزيعات بنسبة 50% يعنى 100الف *50%=50الف دى اللى حتوزع انا ليافيها 30%= 50الف*30%= 15000

والقيود على السريع
100 الف من ح الاستثمارت فى شركات شقيقة
الى 100 الف ح النقدية ده قيد الشراء-

قيد الارباح وده بمجرد اصدار نتائج الاعمال وبغض النظر عن اعلان التوزيع من عدمه بسجله كالتالى

من ح الاستثمارات فى شركات شقيقة 30 الف
الى ح حصة الارباح 30 الف
وعندما اعلنوا توزيعات فالقيد بتاعه المستحق

من ح التوزيعات المعلنة 15000
الى ح الاستثمارات فى شركات شقيقة 15000
وبعدكده لما تستلم
من ح النقدية 15000
الى ح التوزيعات المعلنة 15000

والقيد الثانى والثالث بيتكررو كل سنة ولو خسائر حتقلل الاستثمار

كده لو عملت حساب استاذ تجد ان
رصيد الاستثمار 115الف فى نهاية السنة
=======================

تحياتى لكم
المصدر /جروب معرفة المحاسبة

إرسال تعليق