بحث هذه المدونة الإلكترونية

الجمعة، 15 يناير، 2016

الأهم من الشغل تظبيط الشغل



أغلبنا بقى واعي لفكرة إن اللي حصل في الجامعة مرحلة، واللي بيحصل ساعة التطبيق في الشغل، ده مرحلة تانية خالص. لما بتشتغل بتتعلم من الخبرة والتجربة، وبتستخدم نسبة قليلة من اللي أتعلمته في الجامعة، وبتتعلم مع الأخطاء اللي بتوقع فيها إن تظبيط الشغل أهم من الشغل، وإن كل حاجة مهما كانت بسيطة لها أهمية؛  إزاي تكتب Mail محترم، إزاي ترتب الـFiles علشان تعرف ترجع لهم بسهولة، وده اللي هتكلم فيه
ترتيب الـFiles 
"بقول لك إيه يا باشا خد الفلاشاية دي حط عليها الـPresentation اللي الكلاينت لسه باعتهاجملة ممكنتسمعها عادي في أي مكان شغلاللي مش عادي بقى لما تلاقيه فتح فولدر الدوانلودز و عمال يفتح كلالباور بوينت Files اللي عنده عشان البيه أو الهانم مكسل يدوس على الماوس 3 أو 4 مرات و يعمل فولدر
رتب الـFiles أول بأول هتلاقي الموضوع أسهل كتير.
الـEmail
حاول دايمًا تبقى منظم و دقيق و أنت بتبعت أي Mail، لو في حاجة Attached قول إيه هي في الإيميل، وضحكلامك دايمًا و خليه مفهوم علشان اللي انت باعتهوله ده مايكلمكش و يقول لك فهمني تاني. وأهم حاجةطبعا الـSubject يا إخواننا. كبرنا أوي علي الـMail اللي من غير Subject ده
سمّي كل حاجة بأسم تفتكره
 بلاش يا جماعة Presentation 1  و Presentation 2  لغاية أما توصل إنك مش عارف كل واحدة فهيم إيه وتلاقيهم فين وإزاي وتوقّف تسعة وراك يدوروا معاك. أكيد الـPresentation دي بتاعت حاجة انت عارفها، فاكتب اسمها، و لو اتعدل فيها كتير أعمل Version 1  و Version 2 و هكذا 
الـFont
وانت بتعمل الـPresentation بلاش كل سلايد تبقي بـFont مختلف و حجم مختلف، شكلها بيبقي مؤذي للعين ومش شيك ومش بروفيشنال خالص.
استخدم Google
لما تبقى في المكتب وفيه حاجة واقفة قدامك مش فاهمها، قبل ما تسأل غيرك اللي أكيد هو كمان مشغول في حاجة، خد 5 دقايق و دور عليها علي Google بنفسك، لو غلبت أوي، اسأل. 
بلاش وعود نارية
لو بتشتغل ضمن تيم، ماتوعدش بحاجة أو تدي ديدلاين مع نفسك كده من غير ماترجع لباقي التيم، مفيهاشأي حاجة لو قلت هشوف نقدر نخلص إمتى وبعدين ترجع برد. حاجة كمان، الوعود الضخمة اللي هي صعب تتحقق بالنسبة لقدراتك أو قدرات الفريق، ما تفتكرهاش نصاحة، مش بتعرف تحققها في الآخر، وبيبقى شكلك مش قد كلامك وبتخسر ثقة.
الملاحظات تتكتب ما تتحفظش
متروحش تحضر مييتينج من غير ما يكون معاك حاجة تكتب فيها ملاحظاتك أو تاخد نقط باللي حصل فيالمييتينج، علشان أكيد هتنسي اللي اتقال وممكن وظيفتك كلها تبقى بتعتمد على اللي بيتقال، أو ترجع تسأل اللي كانوا معاك علشان يفكروك، فتبقى عبأ عليهم أكتر من العبأ اللي عليهم. 
التوثيق 
أو الـDocumentation، عندك مييتينج أكتب اللي حصل فيه و أبعته علي طول لكل المعنيين بالأمر. الكلاينتكلمك و قال لك حاجة اكتبها و أبعتها في Mail علي طول ، هتوفر علي نفسك وقت وأسئلة ومشاكل كتيرمن نوعية "هما اللي قالواأو "إحنا اللي قلنا"
تظبيط الوقت
مفيش حاجة بتتعمل لوحدها وبتظبط لوحدها وجو "طب نشوف بكرة" مش بيودّي في حتة، أعرف انت عندكإيه و المفروض يتسلم إمتي ومين هيشتغل معاك فيه ولا لوحدك، وتبتدي تخطط بسرعة علي الأساس ده
حضّر من قبلها بيوم
عادة بالليل قبل ما تنام، بتحضر في مخك سريعًا عليك إيه بكرة، أمسك تليفونك وأكتب اللي عليك بالترتيب والأولوية اللي جت بهدوء في مخك، الحركة دي بتفرق جدًا في التنظيم والانتاج تاني يوم.
ملحوظة مهمة خالص: 
قد يحدث وتبقى بتتفرج علي فيلم كده ولا كده على لابتوب الشغل وانت في بيتكم. أتاكد أنك قافل كل الكلام ده قبل ما تقفل اللابتوب عشان لو هتعمل برزنتاشن تاني يوم على بروچكتور، ما تبقاش فضيحة. 
 منقول-موقع-راجل
إرسال تعليق