https://go.pub2srv.com/afu.php?zoneid=2063669

الأحد، 8 مارس 2015

التاجير التمويلي

المصدر- أ-رفيق هاشم احمد
التاجير التمويلى .. التاجير المنتهى بالتمليك .. التاجير مع الوعد بالتمليك .. ايه تانى ؟؟ يعنى اى اصل انت بتجيبه من البنك او معارض او شركات تقسيط ... كله نفس الحوار ... عندنا هنا مشكله بقا ... خير يا عم الحاج ... قالك هوا ده انا هعتبره ايه ؟
واحد قام وقالى اصل ثابت ويدخل الميزانيه تحت الاصول الثابته .
اقولو خسئت .. اصلا سند ملكيه الاصل ( رخصه العربيه مثلا ) بتكون باسم البنك او شركة التمويل لحد ما تخلص الاقساط ... او بيكون باسمك بس عليها حظر بيع وتعامل يبقى مش هقدر للاسف اعتبرها اصل ثابت .. بس فى حته كده بيقولك ايه بقا ؟؟؟ نعتبرها اصل فعلا بس اصول مؤجره .. وبتدخل الميزانيه عادى جدا بس ليها ايضاح لوحدها .. عموما تعالى نشوف قيد الاثبات .
بفرض انى جبت عربيه ب 100 الف وهقسطها على 20 قسط
اعمل ايه ؟؟
عادى جدا من ح / اصول مؤجره الى ح / دائنو شراء اصول ثابته .. بس كده
وكل ما ادفع قسط اقول من ح دائنو شراء اصول الى ح / البنك
طيب و يا حاج دى هنحسب لها اهلاك ؟؟ اه طبعا عادى جدااااااااا
طب وبعد ال 20 شهر هعمل ايه ؟؟
بقى عندى حاجه اسمها اصول مؤجره . اقفلها فى الاصول العاديه بقيمه ال 100 الف كلها اما مجمع الاهلاك بقا بتاع الاصول المؤجره اقفله فى مجمع الاصل او انك تفتح واحد جديد للاصل الجديد بس فيه نفس قيمه مجمع الاهلاك بتاع الاصل المؤجر .. وتكمل عليه باقى العمر الافتراضى للاصل .
--------------------------------------------

0 تعليق سريع: