الثلاثاء، 27 يناير 2015

معامل الدولار فى الاعتمادات المستنديه (معلومة علي السريع)

ا/رفيق هاشم 

مساء الفل ايها الرايقين .... معلومه على السريع كده 
smile emoticon 
بيقولك معامل الدولار فى الاعتمادات المستنديه يعنى ايه ؟؟
يعنى انا عندى اشتريت بضاعه من بره بالدولار .... و جات مصر هنا دفعت عليها شويه حاجات كده بالجنيه من جمارك و شحن وتخليص ونقل وبتاع ... الحاجات دى بالمصرى وانا لما جيت اشترى الدولار اشتريته بالمصرى .. يبقى نوحد السعر كله للمصرى ونجيب معامل الدولار .... 
مثلا .. جبت بضاعه ب 10 الف دولار وكان سعر الصرف 7 جنيه .. يعنى دفعت 70 الف جنبه( الاعتماد المستندى ) ودفعت مصاريف كده من م بنكيه وجمارك وشحن وتخليص وارضيه وخلافه يجى 22جنيه ... يبقى اجمالى اللى دفعته بالجنيه 92 الف جنيه ( 70 + 22) ... يبقى معامل الدولار كام ؟؟؟؟
نقسم الاجمالى على الدولار = 10/92 = 9.2 جنيه .... حد فهم حاجه ؟؟؟
بقرض بقا انى اشتريت قطعه ما ب دولار .. يبقى تكلفتها على مش 7 جنيه وهو سعر اللى اشتريت بيه السلعه .. ابسلوتلى .. لانى هحمل عليها الجمارك والشحن والتخليص وبلابلابلا ليصبح سعر القطعه دى 9.2 جنيه smile emoticon صح كده ؟؟
طيب مستنى الائله والتعليقات ان وجد وحد اهتم اصلا ..
جروب محاسبين ورايقين
رفيق هاشم احمد

0 تعليق سريع: