الاثنين، 16 سبتمبر، 2013

المصروف المدفوع مقدا

السلام عليكم ورحمة الله وبركاته

المصروف المقدم هو اي مصروف دفعناه خلال الفتره لكنه وجدنا انه لا يخص الفتره الحاليه فقط بل يخص فتره ماليه اخري تاليه فبالتالي لو عندنا ايجار المؤسسة5000 من 1-6-2013 حتي 1-6-2014 فكده عندنا مايخص الفتره الحاليه من 1-6 حتي 31/12
مبلغ 2500 والباقي اللي يخص السنه القادمة 2500
القيود لو انت كنت نزلت المبلغ كله مصروفات عمومية -ايجار
من ح/ مصروفات العمومية -ايجار
الي ح / البنك- صندوق
----------------
يبقي تيجي تفصل مصروف السنه دي عن الجايه
وتحط المبلغ بتاع السنه الجايه في المصروف المقدم اللي مش بيخش قائمة الدخل مجرد بيخش الميزانية واللي في السنه الجايه بتقفل المصروف المقدم في المصروفات العمومية وقتها
من ح/ المصروف المقدم
الي ح/ المصروفات العمومية-ايجار
-----------
السنه الجايه
من المصروفات العمومية-ايجار
الي ح/ المصروف المقدم
-----------
                                     شرح /رفيق هاشم برضه -------
اولا – المصروف المدفوع مقدما ؛
المصروف المقدم هو مصروف دفع فى هذا العام وحمل بكامل قيمته على السنه الماليه الحاليه ولكنه فى الاصل يخص عده سنوات ماليه ( فترات ) وبنا على مبدئ الاستحقاق ( تحميل السنه بما يخصها من المصروفات فقط ) فاننا نقسم المصروف على حسب فتراته ويظهر لينا ح جديد اسمه المصروف المقدم .
مثال : وجد اثناء عمل الميزان والتسويات ان المنشاه دفعت ايجار قيمته 15000 ج يخص الفتره من 1/6/2008 م الى 1/6/2011 م وحمل بكامل قيمته على مصروف الفتره الحاله نعمل ايه بقا ؟؟!!؟
اولا العمل عمل ربنا اما الحل فمن عند الله اما التسويه فكل شئ ربنا اللى بيسويه ,,,
المعالجه بقا بتاع الحاله دى نقسم المصروف 15000 الى 3 سنين ونحمل السنادى من 1/6 وحتى 31/12 بما يخصها من المصروف فقط والباقى نحطه فى حساب المصروف المقدم هكذا ....
قيمه ما تتحمله الفتره الحاليه = 15000 ÷ 3 سنوات = 5000 لكل سنه .
واحنا يخصنا منها من 1/6 وحتى 31/12 يبقى نص سنه = 2500 جنيه فقط ...
كان القيد الاول لما اثبتناه عامل كده
15000 من ح/ م عموميه – ايجار عقارات >>> ( قائمه الدخل )
    15000 الى ح / البنك                      >>> ( ميزانيه )
اما الان هنعمل التسويه ونحمل المصروف المقدم بالفرق = 15000 – 2500 = 12500 ج
12500 من ح/ مصروف مقدم – ايجار                                   >>> ( ميزانيه )
   12500  الى ح / م عموميه – ايجار عقارات  ,,,,,                >>> ( قائمه الدخل )
وبكده يبقى احنا قللنا م. عموميه السنادى ب 12500 ودول لا يخصوها اصلا( القائمه ) وفى نفس الوقت حملنا المصروف المقدم ب 12500 اللى بيخصوها ( الميزانيه ) ,,,
اما السنه الجايه وعليك خير هنعمل القيد ده وده للمعلوميه بس ولا يعمل السنادى بس انا بعرفك وافهمك ؛
5000 من ح / م عموميه – ايجار عقارات >>> ( قائمه الدخل )
    5000   الى ح / مصروف مقدم >>> ( ميزانيه )
عاوز اقول حاجه مهمه جدااااااا ؛
احنا قبل ما نعمل القيد بنفكر كويس اوى تاثيره ايه على الحسابات الختاميه ( قائمه وميزانيه ) وهيكون شكلهم عامل ازاى ؟؟
علشان كده فى المثال ده احنا لو معملناش قيد التسويه يبقى حرام لاننا خصمنا من الربح 15 الف للايجار وهما اصلا لا يخصوها يبقى لازم نرجهم تانى ونحملهم على السنين الجايه علشان كده عملنا التسويه وعلشان برضو نضمن حقنا عند الراجل المؤجر اننا ندينه ب 12500 ج وبندخلها الميزانيه( اصول متداوله ) ونخصم منها الايجار السنوات القادمه زى ما بينا فوق , وكل سنه بيقل المصروف المقثدم حتى = صفر .
ازاى ؟؟    هنقسمها فترات ونشوف تاثيرها على ح / المصروف المقدم

التاريخ
بيان
مدين
دائن
رصيد

31/12/2008
م عموميه - ايجار
12500

12500
رصيده فى الميزانيه 2008
31/12/2009
م عموميه - ايجار

5000
7500
رصيده فى الميزانيه 2009
31/12/2010
م عموميه - ايجار

5000
2500
رصيده فى الميزانيه 1008
31/6/2011
م عموميه - ايجار

2500
0000
لا يظهر لانه صفر وانتهى
يعنى فى 1/6/2011 هتلاقى ان الرصيد صفر لاننا قسمناه على الفترات زى ما قلنا ,,,, ونبدا ايجار جديد .
إرسال تعليق